Wednesday, October 28, 2009

خربوطيات الصبح







صباح الخير



مع انطلاق حملة لا للعناق والتقبيل بدأ العام الدراسي (ماعبر على اسلوبي ) وطبعا في الجامعة كان الوضع ماشي والكل ملتزم ومطبق



هالحملة









ذاك اليوم اخوي راد البيت من الجامعة وعلى طول جبل على الحمام (عزكم الله) وقاعد يغسل بقوة ومندمج عقب ما خلص طلع بالصالة ومو راضي احد يقرب يمه سألته
شفييييك ؟؟



قالي اليوم وانا في الجامعة داوم واحد نعرفه عبالنا وقف قيده لان من فتره مو مداوم والي خلانا نستغرب ان اول ما شافنا قام لممنا ويبوسنا بطريقا مو طبيعيه يقول من كثر ما قعد يلممهم قامو يدزونه يوخرونه



جان يسألهم : هااا شلونكم شخباركم ولهت عليكم



ما خنزتووو؟؟؟؟



قالوله لا الحمدلله



جااان الحبيب يبطها : ههه انا صارلي 3 ايام مخنز بس الحمدلله صرت احسن هههههه



@@






وعليه الشباب تنحووو الحبيب قاعد يلمم فيهم واهو في انفلونزا الخنازير



طبعا زفوو وتهاوشو معاه وما قصروو قامو يصرخون بالجامعه ويأشرون عليه



هذاااا في انفلونزا الخنازير وخرواا عنه



يستاااااهل



والله انا انبطت جبدي الصراحة يعني اذا انتقل المرض منه حق واحد منهم ويكون عنده احد مريض في البيت ولا شايب ولا ياهل ما يتحمل ويعاديهم ؟؟؟



صج في ناس غريبين يعني انت مريض اقعد في بيتكم









=================================









ذاك اليوم وانا رايحه الجمعية واحوس على موقف ولا وحده جدامي بسيارتها وقفت السير كله ونزلت جامتها وقعدت تزف سايق لوي موقف سيارته نصها على الرصيف والنص الثاني على الشارع :



طبعا انا حاشني فضول ونزلت جامتي ابي اسمع



موو حرام عليك تكسر الشارع ؟؟؟



لووو بديرتك جاان ما سويتها



شووف شلون خربت صبغ الرصيف



هذه مخالفه تبي ادق على الشرطه



ولا اكلم الشركة الي تشتغل عندها عشان تفنشك



ما عطته فجه يرد عليها



جان تمشي وتهده



وانا مشيت وراها



جاااان ترووح وتوقف سيارتها بمواااقف المعاااقيييييييييييييين



واااااااااااااااااااااااااااااااااااي بطت جبدي



لا وتنزل وتدش الجمعيه ولا جنها مسويه شي حتى الريال الي زفته نقد عليها



ماادري ليش الشحاطه الزاايده كلت الريال بقشورة واهي تسوي الغلط بكل بروووود












بس والله بردووو جبدي تلفزيون الوطن في برنامج تو الليل حلقة يوم الخميس 22/10/2009



شغلوو كاميرة المراقبه بجمعية كيفان



وكل ما احد يوقف بمواقف المعاقين يروحونله ركض بالكاميره والمايك ويصورونه ويسألونه



لييييش واقف هني؟؟



انت معاق؟؟؟



لا تشوفون ردة فعل الناس والله ضحكت عليهم



الي يخاف ويطلع



والي يتبلى على نفسه ويقول انا معاق ويسوي روحه يعري (لي هالدرجة) يقهر



والي تخش نفسها ماتبي تبين بالتصوير






لااازم تشوفون الفيديوووو هذا اللنك من يوتيوب


















20 comments:

عثماني said...

للتو اكتشفت مدونتك الجميلة

:)

فعلا غريبين هالناس

لا احساس بالمسؤلية و لا اهتمام بمعاناة الغير

الكل يقول يالله نفسي

بس زين سووا فيهم بالمقابلات

Fishah said...

بط جبدي هالنحيس
احس من نحاسته وده يعاديهم عشان يحسون بشعوره واهوا مخنزر :<

شفت اللي كانوا حاطينه قناة الوطن
عجبوني
بس الصراحه الناس مايستحون
ولاعمرهم بيمشون علقانون

Fishah said...
This comment has been removed by the author.
رورو الشخبوطه said...

السلام..

وي هذا شفيه خو المريض بهالشي الله لايبلانا يارب مايداوم عادي !!

يستاهل اللي سوه فيه الشباب ..

والله يشفيه ويهديه يارب..

_______________________


ياشين التفلسف عشتوا خايفه ع ملاك الدوله ومارحمت هالمساكين !!

بشوف الفيديو بالليل ان شاءالله..

بس خوش فكره ..

مشكوره..

*Being One said...

من صجه هذا شلون مخنز و مداااوم بعد و الله شكله قاصد انه يلملمهم و يسلم عليهم !
امبي شكله التقرير زقررتي خنشووفه , ثانكس =)

reemas said...

اول مرور لي
و اسعدني وجودي هنا

المشكله في الناس اللي ما يحسون في معاناة المعاقين
و لما سموهم ذوي الاحتياجات الخاصه
لانهم فعلا ناس لديهم احتياجات خاصه
مو الكل يحس فيها

لكن ناس للاسف تخاف ما تستحي
و اتمنى يطبق عليهم قانون صارم

تحياتي لج
اخوج
ريمس

اقصوصه said...

هههههههه

ها اللي متخنزر ع قولتهم

صدق ما عنده سالفه

يستاهل الضرب صراحه!

سالفة الفيديو صراحه فنتك

شكله يموت من الضحك :)

Fantaseyah said...

عثماني

حياك الله مشكوور

اي والله يقهرون مادري شلون يقدرون يسوونها !!


شكرا على المرور

Fantaseyah said...

هلا فشه
ايييي انا حدي انبطت جبدي ودي اشوفه عشان ازفه
صج مايستحي


شفتيهم احسن فشلوهم
بس على قولتج مراح يهمهم
لا حياة لمن تنادي

حيااج الله حبي

Fantaseyah said...

اهلين رورو

اي والله اهو وده يعاديهم مو عارف شلون


تفلسف زاايد بس مشويه روحها شي


العفووو حياج الله:)

Fantaseyah said...

Being one

يبط الجبد
صج شكله قاصد يمكن حاس بالوحدة واهو مخنز يبيهم يشاركونه لووول

اي شوفيه خوش تقرير

ولكم ولكم حياج الله :)

Fantaseyah said...

هلا والله اخوي ريمس

المشكله مادري شلون قلبهم يطاوعهم؟؟
ماكو احساس يسون الغلط ولا جنهم مسوين شي

لازم يعاقبونهم عشان يحسون شوي

مشكور على المرور :)

Fantaseyah said...

اقصوصه
هلا والله

اي اوووف حده نحيس بس فشلوو يستاهل




ايي شوفي الفيديو يبرد القبل ويضحك بنفس الوقت
حياج الله

Made n Q8 said...

وي شنو هاللعين تدري ان فيك المرض اقعد في بيتكم

اما الثانية هذي حدها مصرقعه خخ

حياه في حقيبه said...

هذا شكله حقود هههه

اما حركة التلفزيون بصراحه عجبتني
جدا ... يعني بصراحه مؤثره راح تكون للاشخاص مع ان البعض مافي امل يأثر عليهم شي مكانك راوح

حلوه مدونتج

Fantaseyah said...

made n Q8
اي والله شدراني عنه في نااس الحمدلله والشكر عاهات مادري شلون صاير تفكيرهم

مشكووورة

Fantaseyah said...
This comment has been removed by the author.
Fantaseyah said...

حياة في حقيبة

لووول اي حده حقود الله يعينه على نفسه

جاان زين ينفع مع هالبشر
مشكووورة حبيبتي

The.One said...

والله ناس ماعندها دم وماتستحي
النذاله ماشيه بدمـه يعني إلا بيمرض غيره
والأعلام قطعو نفسهم مليون قطعه على اعلاناتهم عن تحذير الانفلونزا


والتقرير والله يبطون الجبد
:@ انا فووووولت


thnX nice post

Anonymous said...

لوووووول
عجييب الفيديوو حبيته