قرقيعان 2009

مثل عوايدنا كل سنة بنص رمضان نحتفل بالقرقيعان

الي نقعد نجهزله وننطره نطره .. واستعدادات اليهال والحوسة

هالسنة كان القرقيعان غير الصراحة انا انصدمت !!! ماتوقعت ان الموضوع بيوصل لي هالمرحلة

عقب ما شرينا القرقيعان وجهزنا سلتنا ولبسنا اليهال وقعدنا ننطر الي بطقون الجرس يقرقعون

الصراحة انا شفت الهوايل بهاليوم لووول

بعد صلاة التراويح طق الجرس واليهال قامو يصرخون مستانسين فتحت الباب الداخلي

ولا اشوف مجموعة حريم وافقين عند الباب الخارجي متغطين بالعبي

سألت امي انتي ناطره احد؟؟؟

قالتلي لا والله مو متفقه مع احد

الصراحة خفت من اشكالهم فماطلعت من الباب بس طليت براسي وسالتهم اذا يبون شي

وصلني الرد السريع منهم: في قرقيعـــــــــــــــاااااان؟؟؟

انا تنحت جان انادي اختي وامي عشان يطلعون معاي بره يشوفون شالسالفة خفت اطلع بروحي يتولوني لوول

طلعنا ويوم قربت اكثر منهم طلعو بنات يمكن بعمري ولا اصغر شوي ولابسين عبي قصار !!! وتحتهم بنطلونات ملونه وجواتي تكرمون فوشيه وفسفورية لا وبعد اخر كشخه كل وحده بايدها ساعة ماركة

والحواجب محفوفه ومصبغة لوووول

طبعا خليناهم يقرقعون حق اليهال لا تشوفون منظرهم والله فلم لوول

بعدها بفتره طق الجرس مره ثانية

طليت ولا أشوف عمالقة لابسين عبي وأقنعة على وحوش تخرع والي مركب كشة على راسة والثاني ماسك فاس

فتحنا الباب ولا يقولون عندكم قريقعان وقامووو يرقصوون ويناقزوون والله شباب كل واحد فيهم أطول من الثاني

اي شي ويــــــــــــــــــــــــــــــــــــــــن اليهاااااال؟؟؟؟؟

وعقبها يووو بنات كووول بدون عبي بس كل وحدة مغطية نفسها بقناع الي على قطوة والي على فراشة والثانية رافعة صوب من بنطلونها والثاني نازل ولابسة ريش على راسها لوووول

والله وكيلكم انقلب الفريج فريج مغازل بين هالمجاميع

صج راح الثراث واللبس الشعبي وبراءة اليهال

وانقلب قرقيعانا هالويــــــــــــــــــــــن