Tuesday, August 18, 2009

Food mixing !!

واايد مرات اسمع من ناس انهم يخلطون انواع من الاكل مع بعض وياكلونها.. يعني شغلات مالها شغل ببعض بالمرة !!! ومافكرت بيوم من الايام ان هالشغله تنأكل مع هالشغلة!!
كذه مره اتنح لما احد يسألني جربتي تاكلين بوب كورن ملح مع كاتشب مثلا؟؟؟؟؟ @@
ففكرت احط هالخلطات ببوست وعرضه يمكن تكونون مجربين وتعطونا رايكم :)
  • سنكرز+حليب ككاو كي دي دي (مادري شلون ياكلون ككاو ويشربون ككاو أحس يسحن الجبد لوول)
  • من ماكدونالدز ملك شيك +بطاط (أهم شي حليب مع ملح)
  • عيش أبيض + كاتشب (هاذي سوينها واحنا يهال واااايد لوول)
  • جبن تشدر+ تفاح أخضر (شلوووون؟؟؟ )
  • رقي+ فيتو (الصراحة افكار)
  • بطاط كيتكو الخواتم+مالتيزر(بنت عمي ذوقتني مره أشوه كان طعمه زين ما لاعت جبدي)
  • ريدبول+ مجبوس دياي(عفيه مووود)
  • موز+خبز(في لبنان يبيعونه بالمطاعم بس الصراحة ماقدر اتخيل الطعم)
  • أيس كريم + صاج (مطعم يم الفنار يسويها الله يزيد النعمة)
  • مخلل+ بيبسي( وحدة اعرفها ماتستغني عنه مرات لما نطلع نتمشى لازم تمر مطعم فرح تاخذه منه لوووول)
  • حليب بارد+كل شي (يعني اهو المشروب الي يشربونه مع كل انواع الاكل !! )
  • لبن+ تايم اوت (شخباري تام اوت ليلحين موجود؟)

*******************************************

الصراحة اتوقع المفروض ياخذون براءة اختراع على هالخلطات

وسالفة البوب كورن مع الكاتشب صج ;)

4 comments:

3bady said...

فيمتو و سفن اب

ناس يقولون اشرب شاني ليش هالقصة

بس ما ادري احس احلى ;p

Fishah said...

شوفي

بيني وبينج

انا من الفئه اللي تحط كتشاب بالعيش لووووووول
واتصدقين ماحبه وايد مع الفرايز .. شوفي التناقض :>

واعرف وحده تحب الحليب البارد مع الجيز بورجر :<
استغفرالله مكس مو حلو

واللبن ناس يحبونه مع الباونتي :)

Hope said...

ماحب اخلط شي مع الثاني بالاكل
احس كل شي يخرب طعم الثاني
كل شي بروحه احسن
=p
بس انا متأكده ان في شي اخلطه مع شي ثاني بس ماذكر شنو لوول
لي عوده ان شاء الله اذا تذكرت

ChuBBy-Doll said...

انا نوعيتي ماكل مجبوس ولا مطبق الا مع كتشاب وعادي قلاص لبن وقلاص بيبسي يمي انوع هىهىهىهىهى فصلتي بالثنوي فطاير جبن ابيض وفلفل بوديج واحط معاه بطاط نايس على ملح بس ماعتقد احد وصل مواصيل خالتي كتشب ويريش !!!!!!!!!!! وكتشب وشوربة عدس !!!!!!!!!!!!!