Thursday, August 6, 2009

عبط نهاية الدوام


أمس وحدة من رفيجاتي دزتلي مسج سؤال عبييييييييييط وهو

الطيارة فيها هرن؟؟؟

فشغلت بمخي تساؤلات وايد من هالنوع وقعدنا في البيت كل واحد يقط قطه من صوب

فقررت مع الموكا فرابتشينو الي جدامي والحان اغنية (فلة مالت سبيستون) الي رفيجتي الحلوة مشغلتها من الصبح

اني اكتب بعض هالتساؤلات العبيطه الي خطرت في بالي ويمعتها من يمعة القطات الي امس

لعل وعسى نلقى لها جواب مع بعض !!!


1- نقدر نبجي تحت الماي؟؟


2-دراكولا يقدر يتبرع بالدم ؟؟


3-طرزان مو طول عمره عايش بالأدغال؟ ليش شعره يطول ولحيته ماتطول؟


4-ليش لما الاسنسير يتأخر نقعد نضغط على الدقمة حيييل ونفغصها .. يعني الاسنسير بصير أسرع جذي؟ لا واذا واحد يه عقبك يشوفك واقف هم يضغط مره ثانية ... يعني انت الحين واقف تنبل ومو طالب الاسنسير؟؟


5-ليش لما يكون الجو مطر دايما نسأل : ها قاعد يطق مطر برة؟؟ يعني مثلا بيطق داخل مثلاااا؟


6-منو نوجد اول الدياية ولا البيضة؟


7-اذا مركز المطافي احترق يدقون على منو؟


8- ليش مرات بالرسوم المتحركة يحطون شمس لابسة نظارة؟ مو النظارة لازم تحميها من الشمس؟


الصراحة انا قفلت مالقيت جواب حق الأسئلة ولا انتو شرايكم؟

12 comments:

Fishah said...

اول شي انا ماعجبتني فله .. حبيت اغنيه كم كنت غبيه لا لا لووووووول

اول تساؤل حيرني .. بس منو هالفراغه اللي بيبجي تحت الماي :)

دراكولا مايقدر يتبرع لانه الدم حده فاااااااااسد :P

طرزان خاش مكينة حلاقه باناسونيك خخخخ

انا احبها الشمس ام النظاره :)

يسلمووووو خيتووو :>

حَافِـيَةُ الَقَدمَيّـنْ ولِبَاسِي المَطـرْ said...

رقم 6 , 7
صج يحيروون @@ !!
تعبت وانا افكر p;
يعطيج العافيه

bokeh of magic * said...

لووووول خوش تساؤلات صـج تـحير
على السؤال ال6
اتـوقع الديايه لانه شـلون بتفقص البيضه بدون لا تقعد عليها الديايه و تدفيها !
يـسلمووو ^^

Fantaseyah said...

Fishah...
لووووول اي حتى انا تصدقين ماحبيتها

الصراحة عندج وجهة نظر
يعجبني تفكيرج :)

ولووو حياج الله

Fantaseyah said...

حَافِـيَةُ الَقَدمَيّـنْ ولِبَاسِي المَطـرْ

اي انا قفلت وانا احاول القى لو اجابة بسييييطة
الله يعافيج :)

Fantaseyah said...

*Being One
ممممممم صح كلامج خلاص لقينا جواب حق السؤال 6
;)
الله يسلمج حبيبتي حياج الله

@alhaidar said...

عجيبة الاسئلة بس لا يقراهم مدرس نحيس ;p

رورو الشخبوطه said...

السلام..

فيشه اللي بيبجي تحت الماي اللي
يغرق خخخ..

اللي يضضغط دغمة الاصنصير يسوي روحه فلته وبيدش قبلج خخ..

خخ السوال الخامس مال المطر قصدنا وقف المطر ولا بعده خخ..

اذا احترق مركز المطافي يطفونه بسيارة المطافي لانه اهي الاساس خخ كلش كلش يتصلون ع المركز اللي يمهم..

يمكن الشمس متاثره بعايشه المرطه خخ..

وخوش اسئله..

مرسي..

Fantaseyah said...

أحمد الحيدر
اييييي لوووول
شكله بينشبلي نشبه اذا قراهم :)

Fantaseyah said...

رورو الشخبوطه
لوووووووووووووووووووووووووول الصراحة بدعتي بالاجابات
خلاص انا بعتمدهم الاجوبه الاساسية مالت الاسئلة :)

Anonymous said...

هااااااااااي فانتسيه
ترى انا عندي الاجوبه الصحيحه لكل سؤال سألتيه
واذا برد عليهم يبيلي صفحه كامله السؤال اللي صج يذبحني وكله اطفر منه صج سالفة السنسير
بس مارديتي على سؤال رفيجتج الطياره فيها هرن ؟؟؟ (لووووووووووووول)


ام عنكوش

Fantaseyah said...

أهلين ام عنكوش
أي انا كنت متأكدة انج انتي الي راح تفحمينا بالاجوبة :)

وسالفة الاسنسير وااايد تصير وتبط الجبد حدهاااا

وسؤال رفيجتي ماعرفت اجاوبه بس قلت حق امي دامها مسافرة تجيك على الطيارة وتقولي :)))